Share

თუ ჩემ კოლეგებს დავეკითხებით და აზრს დავესესხებით, ბუნებრივია მეც ვეთანხმები, ადამიანს არ შეუძლია სხვა ადამიანის ნაკლი მიიღოს რეაქციის გარეშე, თუ:

• • ამჩნევს მსგავს ნაკლს საკუთარ თავში და არ შეუძლია მისი მიღება;
  • იცის რომ აქვს კონკრეტული „ნაკლი“ და დიდ ძალას ხარჯავს მის დასათრგუნად;
  • არ სურს და არ შეუძლია საკუთარი ნაკლის დანახვა იმ დონემდე რომ მზად არ არის უბრალოდ დაინახოს ისინი. 

ასეა თუ ისე, სხვა ადამიანებში ხშირად ის გვაღიზიანებს რისი მიღებაც არ შეგვიძლია საკუთარ თავში, მაშინაც კი თუ ამ თვისებას ჩვენში ვერც ვამჩნევთ.
უნარს მიიღო საკუთარი თავი და სხვა ადამიანები, ისწავლო მშობლებისგან და სხვა ადამიანებისგან, ადამიანი სწავლობს ჯერ კიდევ ბავშობიდან. ბავშვი გარემოცული კრიტიკით - სწავლობს კრიტიკას, ბავშვი გარემოცული მიღებით - სწავლობს მიღებას.

მარტივი პრაქტიკა:

ნაბიჯი 1. 
ვისწავლოთ მივიღოთ საკუთარი თავი -  ყოველდღიურად.  (ამ პუნქტის უკეთ გათავისებისთვის ტექსტის ბოლოს მოცემული სავარჯიშო დაგეხმარებათ)

ნაბიჯი2. 
თუ თქვენ ვინმეში რაიმე არ მოგწონთ, ეძიეთ ეს თვისება საკუთარ თავში. დაუმეგობრდით საკუთარ თავს (პირველი ნაბიჯის მეშვეობით)

ნაბიჯი3.
ყოველდღიურად 30 წუთის მანძილზე დააკვირდით სხვა ადამიანებს ისე თითქოს სწავლობთ, თითქოს ხართ მეცნიერი რომელიც აკვირდება ჩიტებს. დააკვირდით როგორ დადიან, ლაპარაკობენ, სუნთქავენ. ამისთვის არ არის საჭირო თავი დაანებოთ თქვენ საქმეს, უბრალოდ დროებით თავი შეიკავეთ შეფასებისგან, გაუფასურებისა და კრიტიკისაგან.
შეწყვიტეთ ნახევარი საათის მანძილზე იმის მცდელობა გამოიცნოთ რა უნდათ, რას ფიქრობენ და გრძნობენ სხვა ადამიანები.
დაიწყეთ ადამიანებისგან რომლებიც მოგწონთ, შემდეგ გადაერთეთ სხვებზე. 
დააფიქსირეთ თქვენი ემოციები  რომლებიც ჩნდებიან სხვა ადამიანებზე დაკვირვებისას, მიეცით მათ უფლება იყვნენ, შეფასების გარეშე.

ნაბიჯი 4.
გაერკვიეთ სულ ოდნავ მაინც მშობლებთან ურთიერთობაში. 
ისაუბრეთ იმაზე, რაც დიდი ხანია გინდათ რომ გააჟღეროთ, რაც გაწუხებთ. როდესაც მზად იქნებით გააგებინეთ მათ თქვენი ემოციები და მდგომარეობა. 

დაწერეთ წერილი ძველ წყენებზე. მისი გაგზავნა არ არის საჭირო, უფრო ეფექტურია დაწეროთ და გააგრძელოთ ცხოვრება.
თუ თქვენი მშობლები არ არიან მზად მიგიღონ ისეთი როგორიც ხართ ესეიგი მათ არ უსწავლიათ ეს უნარი ბავშობაში - თქვენ არაფერ შუაში ხართ. 
ასწავლეთ მათ ეს თვისება თქვენი მიღებით, მხოლოდ შემდეგ მიიღებთ აღიარებას უკან.
თუ მშობლებთან ურთიერთობაში „ყველაფერი რთულადაა“ გაიხსენეთ სხვა ადამიანები, რომლებსაც უყვარდით და გიღებდნენ ისეთს როგორიც ხართ.  ეკონტაქტეთ მათ და დააკვირდით როგორ აკეთებენ ამას. არ დაგავიწყდეთ მადლობის გადახდა - ფასდაუდებელი გამოცდილებისთვის ❤
და კიდევ, ჩემი საყვარელი პრაქტიკა, იმაზე თუ როგორ ვირგებთ ამა თუ იმ როლს და სხვა თვისებებს უბრალოდ არ ვცნობთ საკუთარ თავში, როგორ ვთრგუნავთ ჩვენ ჩრდილოვან მხარეს რაც მნიშვნელოვნად გვიშლის ხელს ცხოვრებაში.

სავარჯიშო:

1. ჩამოწერეთ ყველა ის თვისება რომელიც გაქვთ, როგორაც ახდენთ საკუთარი თავის პროეცირებას სამყაროში. როგორადაც აღიქვამთ საკუთარ თავს, და როგორადაც ახდენენ თქვენს აღქმას გარშემომყოფი ადამიანები. ყველა, ან მინიმუმ 10. 

2. თითოეულ პუნქტს მიუწერეთ საპირისპირო თვისება, ანტონიმი, თუ ვერ ახერხებთ ერთი სიტყვით შეგიძლიათ ახსნათ წინადადებით. (მაგალიტად მზრუნველი-ის ვინც მხოლოდ საკუთარ თავზე ზრუნავს, ეგოისტი. ბეჯითი-ზარმაცი, ყურადღებიანი-უყურადღებო და ა.შ.)

3. მიღებული მეორე სვეტი გაართიანეთ რაიმე ნიშნით, როგორია ეს ადამიანი ვისაც ეს მეორე სვეტის თვისებები აქვს, ვინაა ის, შეიძლება გაგახსენდეთ ზღაპრის უარყოფითი პერსონაჟი, კონკრეტული ადამიანი, ცხოველი..

4. მოირგეთ ეს როლი, დააფიქსირეთ როგორია იყო ესეთი, დააკვირდით როგორ შეიცვლებოდა თქვენი ქცევა რომ ყოფილიყავით ასეთი, რას მოიმოქმედებდით, რას გააკეთებდით, რას იტყოდით.

5. აღმოაჩინეთ მინიმუმ 3 დადებითი თვისება რომელიც ამ უკანასკნელს როლს აქვს და დაიტოვეთ თქვენთვის. მიიღეთ ის. ისწავლეთ ამ როლისგან და დაიბრუნეთ კავშირი თქვენ რესურსთან.